Café Bar O Trece
O local no mapa
Deseñado polo arquitecto Pedro de Llano e rexentado por José Silva, o Trece é paradigma da nova taberna galega. Unha notábel carta de viños e un ambiente de grande vivacidade cultural, no que se forxou a singular alianza entre literatura e taberna da colección O Lapis do Taberneiro, coa publicación do primeiro número, Acantinado, de Carlos Santiago, en Febreiro de 2009, escrito íntegramente nunha das mesas do bar.
O Trece forma parte da Asociación de Veciños As Dúas Marías, que vén de dar novo pulo nos últimos anos ao barrio do Espírito Santo, recuperando a súa festa tradicional, datada na primeira semana de Setembro, e que xa logrou o seu propio espazo no calendario festeiro compostelán.
Situado perto do Centro Social O Pichel, o Trece é lugar de encontro de veciños, artistas e activistas sociais en alegre confusión. Tapas excelentes e xenerosas e un trato de enxebre amabilidade.
Na Rúa de Santa Clara, 13, en Santiago de Compostela.
E-mail: cafe.bar.13[a]gmail.com
O Lapis do Taberneiro 
Novembro 18, 2010 ás 14:56 |
CONCENTRACIÓN CASA DAS CRECHAS
VENRES, 19 DE NOVEMBRO
22:00 HORAS
DIANTE DE CASA DAS CRECHAS
Na defensa dos dereitos das traballadoras e dos traballadores, contra o abuso da patronal, contra a precariedade na hostalará, pola dignidade da clase obreira.
A loita continúa!!!
Claudia Fidalgo
Novembro 28, 2011 ás 00:12 |
[…] nas proxeccións do Cineclube de Compostela, na libraría Couceiro, no CGAC, en Discos Gong, no café-bar 13, no Malas Pécoras, n’As Dúas e na Gentalha do Pichel, ou ben enviando un correo […]